اسلام آباد۔ 27 مارچ (اے پی پی) اینٹی نارکوٹکس فورس (اے این ایف) نا ہیڈکوارٹر راولپنڈی ٹی انٹرایجنسی ٹاسک فورس انا دیوان اس مس ہراٹی تعلیمی ادارہ غاتیٹی منشیات نا تالانی و انسداد منشیات نا گام گیج آتیا سجفنگا ۔ اے این ایف ہیڈکوارٹر راولپنڈی آن جاری بیان نا رداٹ تعلیمی ادارہ غاتیٹی منشیات نا ودوک آ کچ و انسداد منشیات نا گام گیج آتیا 18 می انٹرایجنسی ٹاسک فورس (آئی اے ٹی ایف) نا دیوان تدوک آ دے ہیڈکوارٹر ا ینٹی نارکوٹکس فورس راولپنڈی ٹی میجر جنرل عبدالمعید ڈائریکٹر جنرل انسداد منشیات فورس نا کماشی ٹی اڈ ہلک ہراٹی بنجائی و صوبائی کانود نافذ کروک آ ادارہ ، انٹیلی جنس سیٹ اپ و تعلقدار سرکاری محکمہ غاتا سینئر آفیسر آک بشخ ہلکر۔ دیوان نا مسخت تعلیمی ادارہ غاتیٹی منشیات نا سپلائی و ادارہ غاتا انتظامیہ نا کنڈآن اونا مقابلہ ءِ کننگ نا گام گیج آتا جاچ ءِ ہلنگ ئس۔ ایجنڈا غا تعلقدار ایجنسی و محکمہ غاتا نمائندہ غاتا کنڈآن جامعہ حوال تننگا ہراٹی ویل انا بنداوی سوب و پالیسی نا نفاذ اٹی مون تروک خلا ءِ تالان کننگا، بیک وخت مون آ ہِننگ نا وڑوڈول آتیا ہم شرہ کننگا، منشیات آن پاک تعلیمی ادارہ غاتیکن اسہ پورو مہم نا ڈٹ اے این ایف پیش کرے ہراڑا گپ وتران کننگا۔ قومی ویل مننگ ناسوب آن مچ آ قوم انا نقطہ نظر و اسہ اجتماعی مہم اسے نا گرج آ غٹ اسٹیک ہولڈر آک امنا کریر ۔
