کوئٹہ۔ 27 مارچ (اے پی پی) سیکرٹری جان جوڑی بلوچستان عبداللہ خان پارینے کہ گچین رسینگ و جوان جان جوڑی نا خذمت آتا دوئی مننگ ہر شاری نا بنداوی حق ءِ، جان جوڑی نا خذمت آتون لمہ و چنانا جان جوڑی اسکان رسینگ ءِ گچین کننگ آ خاص چکار کننگے۔ داہیت ءِ او چارشنبے نادے آ بلوچستان میڈیکل سپورٹ پروگرام نا جاچ دیوان آن تران کرسا پارے۔ دیوان اٹی صوبائی کوارڈی نیٹر بلوچستان میڈیکل سپورٹ پروگرام ڈاکٹر طاہرہ کمال بلوچ، ڈائریکٹر بلوچستان ہیلتھ کارڈ ڈاکٹر احمد ولی، گورننس اسپیشلسٹ عبدالقادر ناصر، سیکشن آفیسر ریاست علی و ایلو کمکار آک بشخ ہلکر۔ صوبائی کوآرڈی نیٹر بلوچستان میڈیکل سپورٹ پروگرام ڈاکٹر طاہرہ کمال بلوچ سیکرٹری جان جوڑی ءِ پروگرام نا بارواٹی حوال تس۔ سیکرٹری جان جوڑی عبداللہ خان پارے کہ بلوچستان میڈیکل سپورٹ پروگرام نا فائدہ ئی ماڈل ءِ کاریم اٹ اتسا حقدار تپہ کن وخت آ طبی امداد تننگے خاص وڑاٹ حمل اٹی زالبول آتا عملی کمک ءِ پک کننگ و پوسکن آ ودی مروک آ چناتا رکھ ترسیل و رکھ ءِ پک کننگے۔ اوپارے کہ پبلک سیکٹر اٹی جان جوڑی نا آسراتی تے رسینگ و دوائی تا پائیدار فراوانی ءِ برجاتخنگ کن گام گیج کننگے۔ اوپارے کہ بلوچستان میڈیکل سپورٹ پروگرام نا فیز ٹو کن پی سی۔1 نیزگار آ و آفت زدہ ضلع غاتیکن عطیہ تروک آ تاکمک مسہ سال اکن وضع کننگانے۔
