کوئٹہ۔ 27 مارچ (اے پی پی)پاکستان مسلم لیگ (ن) زالبول ونگ انا راہشون فاطمہ خان شانگلہ نا علاقہ بشام اٹی چینی باتی تیا دہشت گرد آتا جلہو نا ترند انگا لوز آتیٹی مذمت ءِ کرسا پارینے کہ داوڑنا گندہ انگا کارروائی پاکستانی قوم انا دہشت گردی نا برخلاف جنگ تننگ ناعزم ءِ نزور کننگ کپک، دہشت گرد زموار آک تینا درملکی آقاتے خوش کننگ و پاکستان و چین نا کمک اٹ پاکستان نا شونداری و شونہالی کن برجا ڈٹ آتے بے سہب کننگ کن بے گناہ شاری تے شست کننگ ءِ، ولے دہشت گرد زموار آک تینا ناپاک عزم اٹی سرسہب مفسہ۔ داڑے جاری مروک اسہ بیان اسے ٹی فاطمہ خان شانگلہ نا علاقہ بشام اٹی دہشت گرد آتا کنڈآن چینی شاری تے خودکش جلہو نا شست کننگ نا مذمت ءِ کرسا پارے کہ چین آن بروک آ شاری تیا خودکش جلہوبھاز تکلیفی نا ہیت اسے و ڈکھیائی نا ساہت اٹی پاکستانی قوم زہمی چینی خاہوت آتون سلوک ءِ۔ اوپارے کہ مسلم لیگ (ن) نا بنجائی حکومت چینی تتون اوار ایلو درملکی شاری تا رکھ اکن ہرممکن گام گیج آتے پک کیک۔ اوجلہو اٹی زوال کروک آ چینی شاری تا خاہوت و چینی حکومت تون ہمدردی نا درشانی ءِ کرے۔ اوتربت اٹی پاک بحریہ نا ایئربیس آ دہشت گرد آتا جلہو نا مذمت ءِ کرسا جلہو ءِ بے سہب کننگ آ سیکورٹی فورس آتے خراج تحسین پیش کرے ۔ اوپارے کہ سیکورٹی فورس آتا کارندہ غاک جیرت و بہادری نا درشانی ءِ کرسا جلہو کروک آ دہشت گرد آتے تینا ایسر انجام اسکان سرکریر و سرکاری تنصیب آتے نسخان آن بچفیر۔
