اسلام آباد۔ 26 مارچ (اے پی پی) وزیراعظم محمد شہباز شریف غزہ ٹی جنگ بندی کن اقوام متحدہ نا سیکورٹی کونسل نا قرارداد ءِ ستاکڑزوک گوندسا پارینے کہ جہانی برادری غزہ ٹی دمدستی جنگ بندی کن سیکورٹی کونسل نا قرارداد آ عملدرآمد ءِ پک کے۔ وزیراعظم آفس نا میڈیا ونگ انا کنڈآن جاری بیان اٹی اوپارے کہ غزہ ٹی کودک فلسطینی تیا برجا صہیونی ظلم و جورآخبتی وڑاٹ بند مرے۔ وزیراعظم مستی پارے کہ اسرائیل نا وحشیانہ جلہو آتیٹی داتم اسکان ہزار آتا کچ اٹی زالبول و چناک شہید مسنو۔ اوپارے کہ غزہ ٹی اسرائیل نا کنڈآن دانستہ وڑاٹ ہسپتال وپناہ گزین کیمپ آتے بمباری اٹ شست کننگا ہرا بھاز مذمت نا قابل ءِ۔ وزیراعظم محمد شہباز شریف پارے کہ پاکستان تینا کودک فلسطینی ایڑھ ایلم تا جون 1967ء آن مست سیم تیا تالان فلسطینی ریاست نا دوئی کننگ کن مخ تفی ءِ برجاتخک۔
