اسلا م آباد۔ 26 مارچ (اے پی پی) صدر مملکت آصف علی زرداری تربت اٹی نیول بیس آ دہشت گرد آتا جلہو ءِ بے سہب کننگ آ سیکورٹی فورس آتا کارروائی نا ستاءِ کرسا ملک آن دہشت گردی نا پورو چٹفنگ نا عزم انا درشانی ءِ کرے۔ ایوان صدر نا پریس ونگ انا رداٹ سے شنبے نادے آصدر مملکت آصف علی زرداری تینا بیان اٹی پارے کہ جلہو ءِ بے سہب کننگ کن سیکورٹی فورس آتا وخت آ و گچین ورندی کارروائی ستاکڑزک۔ صدر مملکت کلیئرنس آپریشن نا کمک اٹ دہشت گرد آتے چٹفوک آ ورناتا بہادری ناہم ستاءِ کرے۔ صدر مملکت آپریشن اٹی جام شہادت نوش کروک آ سپاہی نعمان فرید ءِ ہم خراج عقیدت پیش کرے۔ صدر مملکت نا شہید کن درجہ غاتا بڑزی، خاہوت کن صبر وجمیل نا دعاکرے۔
