پارلیمنٹ نا باسک آتے عمرہ نا ویزہ جاری کپننگ نا بابت سعودی کمامدارآتے چھٹی اس نوشتہ کرینن، اسپیکر قومی اسمبلی

اسلام آباد۔14جون (اے پی پی) اسپیکر قومی اسمبلی سردار ایاز صادق پارینے کہ پارلیمنٹ نا باسک آتے عمرہ نا ویزہ جاری کپننگ نا بابت سعودی کمامدارآتے چھٹی اس نوشتہ کرینن و خارجہ امور کمیٹی ئِ ہم پارینن اودے بٹنگ انگے۔ چارشنبے نا دے قومی اسمبلی ٹی اعتراضی ٹک آ عبدالغفار ڈوگر پارے کہ عمرہ نا ویزہ پنچ آن ہفت ہزار اٹی بہاءمننگ ئِ۔ داحالیت آتا نوٹس ئِ ہلنگے۔ سعودی سفارت خانہ ننا ویزہ غاتا درخواست آتے مسترد کننگ ئِ۔ حرم شریف اٹی حاضری کن روپئے پیسہ نا کاریم اٹ اتنگ مذمت نا قابل ئِ۔ اسپیکر پارے کہ ای دا بابت تعلقدار سعودی کمامدارآتے چھٹی اس نوشتہ کرینٹ و خارجہ امور کمیٹی ئِ ہم پارینے کہ اودے بٹنگ انگے۔