اسلام آباد۔ 14جون (اے پی پی) وزیر داخلہ چوہدری نثارعلی خان تون ڈی جی اینٹی نارکوٹکس فورس میجر جنرل مسرت نواز ملک ٹیلی فون آ رابطہ کرسا اودے پی آئی اے نا مسافر جہاز آن منشیات نا برآمدگی نا بابت کیس انا جاست وپاست اٹی اہم پیش رفت آن معلومدار کرے۔ وزارت داخلہ نا کنڈآن جاری بیان نا رداٹ اووزیر داخلہ ئِ پارے کہ جہاز منشیات کیس اٹی داوخت اسکان کروک آ جاست وپاست اٹی اہم سرسہبی دوئی مسنے ہراٹی منہ دزگیری عمل اٹی اتنگانے۔ دا رداٹ بروک آ منہ دے اٹی پین پیش رفت انا گمانی ئِ۔ وزیر داخلہ پارے کہ قومی ایئر لائن نا کمک اٹ منشیات سمگلنگ نا کوشست آن نئے بیرہ اسہ سنگین ئُ ڈوہ اسے نا ارتکاب مسنے بلکن ملکی وقار و نیت نامی ئِ ٹھیس سرکننگ کن کوشست کننگانے۔ داواقعہ ٹی اوار بندغ آک ہچ ئُ رعایت اسے نا حقدار افس۔ اوپارت کرے کہ معاملہ نا جاست وپاست ئِ زوت آن زوت ایسری انجام اسکان سرکننگے۔ وزیر داخلہ جہاز منشیات کیس انا جاست وپاست نا چرجوئی ٹی اے این ایف نا کڑد و کسبی لائخی تا ستائِ کریر۔
