اسلام آباد۔ 13جون (اے پی پی) وزیراعظم محمدنواز شریف اومیت ظاہر کرینے کہ خلیج اٹی ساڑی آ تنکی مسلم امہ نا گچین مفاد اٹی زوت ایسر کننگک۔ داہیت ئِ وزیراعظم نا سعودی عرب نا اسہ دے ئی دورہ نا ایسری آ ایوان وزیراعظم نا کنڈآن جاری بیان اٹی پاننگا۔ وزیراعظم محمدنواز شریف سعودی فرمانرواخادم الحرمین الشریفین شاہ سلمان بن عبدالعزیز توندوشنبے نا دے شاہی محل جدہ ٹی اوڑدہی کرے۔ وزیراعظم خلیج کمکار کونسل ناباسک آتا نیام اٹ ہڑدڑی حالیت آتارداٹ دادورہ ئِ کرے۔ وزیر خزانہ اسحاق ڈار، چیف آف آرمی اسٹاف جنرل قمر جاوید باجوہ و وزیراعظم ناسلاہکار خارجہ امور سرتاج عزیز ہم اوڑتون اوار ئسر۔ سعودی عرب و اونا الس تون یکجہتی نا درشانی ئِ کرسا وزیراعظم پارے کہ سعودی سلطنت نا پاکستان نا الس نا است آتیٹی خصوصی ئُ جاگہ اسے و مسلم دنیا شاہ ئِ خادم الحرمین الشریفین نا وڑاٹ ہرک۔ وزیراعظم سلطنت نا علاقائی سالمیت و وت واجہی و حرمین الشریفین نا رکھ اکن پاکستان نا الس ناپکا عزم انا ادعادہ ئِ کرے۔ شاہ سلمان دورہ غا وزیراعظم نا منت واری ئِ ادا کرسا پاکستان و سعودی عر ب نا نیام اٹ بناءآن ہی تعلقداری نا خصوصی نوعیت نا ذکر ئِ کرے۔ شاہ سلمان سخت حالیت آتا باوجود انتہاءپسندی و دہشت گردی نا برخلاف پاکستان نا غیر معمولی سرسہبی تا ستائِ کرینے۔ اوپاکستان کن است خواہی نا غٹ معاملہ بشمول اونا قومی سلامتی نا معاملہ غاتیا سلطنت نا مخ تفی و پکا عزم انا اعادہ ئِ کرے۔
