اسلام آباد۔ 13جون (اے پی پی) مسلم لیگ (ن) نا راہشون دانیال عزیز تینا برخلاف توہین عدالت نادرخواست ناسماعت آن پد الیکشن کمیشن آن پیشن میڈیا تون ہیت وگپ اٹی پارے کہ ای مقدمہ غاتیان نروک اُس افٹ انتئے کہ عمران خان آنبار اشتہاری ئُ ڈوہدار اس افٹ، عمران خان تو الیکشن کمیشن، سپریم کورٹ، انسداد دہشت گردی عدالت و داخہ سسکان کہ پارلیمنٹ اسکان نروک ئِ او تو بنی گالہ ٹی تینا اُرا نا ملکیت اسکان نا ورندی ئِ تفننگ ئِ انتئے کہ اوڑتون ورندی ہی افک، اوپارے کہ کنے 3 دے مست نوٹس ملاسس اونا باوجود ای اسہ وکیل اسے ناہم سیبو ئِ التوٹ انتئے کہ ای تینٹ دانا ورندی ئِ تننگ چاایسوٹہ ، دارداٹ عدالت آن مہلت خوائسونٹ و کنا برخلاف دائر درخواست نا سماعت 19 جون اسکان ملتوی مسنے ، اوپارے کہ او ہند ن ئُ ورندی اس ایتک کہ بروک آ پنجا سال اسکان یات تخنگک۔ اوپارے کہ ایسر اٹی ہندا پاوہ کہ عمران خان نا برخلاف ہرا منی ٹریل انا مقدمہ نا اینو سماعت ئِ او عدالت آن نرنگ آن بیدس نرینہ اس جوڑ مرے و ورندی ایتے۔
