اسلام آباد۔16نومبر (اے پی پی): میاں اوستمانی ناشرکاری ء ُ ایندگہ سکیورٹی جیڑہ ء ُ جنجالاں گرء ُ دار کنگ ءِ ھاترءَ پاکستان ء ُ روس ءِ یکجاہی ورکنگ گروپ ءِ دہمی دیوان اسلام آبادءَ بوہگءَ اِنت۔ دری کارانی کارگس ءِ جارچین ممتاز زہرہ بلوچءَ پنچ شمبے ءَ اِدءَ پریس بریفنگءِ تہا گشتگ کہ ایڈیشنل سیکرٹری خارجہ (اقوام متحدہ) سفیر سید حیدر شاہ پاکستان ءِ ملٹی ایجنسی ڈلءِ سروکی ءَ کنگءَ اِنت وہدے کہ روسی ڈل ءِ سروکی ءَ نائب دری کارانی وزیر سرگئی ورسینین کنگءَ اِنت ۔ جارچین ءَ گشتگ کہ اے باسک دمگی ء ُ میاں اوستمانی تکءَ ناشرکاری ءِ ھترہ ءِ ہوالگءَ وتی چارءُ تپاس ءَ را بہر کناں۔ آئیءَ گشتگ کہ سول ء ُ تران ءِ تہا پاکستان ء ُ روس ناشرکاری گرء ُداری کمک ءِ سرءَ دلگوشی کنگ بیت۔
