اسلام آباد۔ 16 نومبر (اے پی پی) اینٹی نارکوٹکس فورس (اے این ایف ) 8 جتا کارروائی تیٹی 207 کلوگرام آن زیات منشیات دوئی کرسا چندی دوبہ دار آتے دزگیرکرے۔ اینٹی نارکوٹکس فورس (اے این ایف) نا ترجمان نا رداٹ راولپنڈی، کوریئر آفس اٹی برطانیہ کن بک پارسل اٹ ساڑی چمچ آتیٹی اودیم کروک 122 گرام آئس دوئی کننگا وخت اس کہ علامہ اقبال انٹرنیشنل بالی پٹ آ کویت آ گدریفوک آ پارسل آن 216 گرام ہیرون ہم دوئی کننگانے۔ جی پی او ملتان اٹ امریکہ غان گدریفوک آ پارسل آن 200 گرام ویڈ دوئی کننگا۔ بحریہ ٹاؤن راولپنڈی ٹی 2 موٹرسائیکل سوار آتیان 100 ایکسٹیسی گولی دوئی کرسا دوبہ دار آتے دزگیر کننگانے۔ ناردرن بائی پاس کراچی نا خڑک کاراسے آن 19 کلو 200 گرام چرس دوئی کرسا دوبہ دار آتے دزگیر کننگا۔ طالب والا ٹول پلازہ نا خڑک موٹروے پولیس تون اسیجائی کارروائی اٹی گاڈی اسے آن 7 کلو 795 گرام ہیرون دوءی کرسا 2 دوبہ دار ءِ دزگیرکننگا۔ پاکپتن اٹی موٹرسائیکل سوار آتیان 1 کلو 6 گرام آئس و 16 نشئی ءُ انجکشن دوئی کننگا۔ پشین اٹ برساتی نالہ ٹی اسمگلنگ کن اودیم کروک 160 کلو 800 گرام چرس دوئی کننگا۔ دزگیر دوبہ دارآتا برخلاف انسدادِ منشیات ایکٹ نا رداٹ مقدمہ درج کرسا مستی جاست وپاست نا بنا ءِ کننگانے۔
