علاقائی واپار ءِ مون آ درسا پاکستان پوسکن ووڑوڑنا منڈی تسکان رسینگ دوئی کننگ کیک، مہرکاشف یونس

اسلام آباد۔ 16 نومبر (اے پی پی) بنجائی خراج محتسب نا کوآرڈینیٹر مہر کاشف یونس پارینے کہ علاقائی واپار ءِ مون آ درسا پاکستان پوسکن و وڑوڑنا منڈی تسکان رسینگ دوئی کننگ کیک، ہراڑآن اقتصادی شونداری نا پوسکن ءُ کسر ملنگ آن بیدس جم مسابقت اٹ ہم ودکی مریک۔ پنچ شنبے نادے آ داڑے فاران شاہد نا کماشی ٹی صنعتکار آتا ڈل اتون گپ وتران کرسا اوپارے کہ اقتصادی شونداری کن علاقائی واپار نا مون آدننگ، وسیلہ غاتا گچین بشخنگ و ٹیکنالوجی نا گدریفنگ آ ہم چکار کروئی مریک۔ اوپارے کہ علاقائی واپاری سیوت چندی ملک آتا نیام اٹ سیاسی و سفارتی تعلقداری تے مون آ دننگ اٹ ہم اہم کڑد اس ادا کیک۔ اونا پاننگ ئس کہ اسیجائی اقتصادی مفادات آن گچین افہام و تفہیم و کمکاری نا کسر آوار مریک ہراپرامن و شونہال بقائے تین پہ تینی کن ہم المی ءِ، دامسخت کن واپاری اڑاند آتیٹی کمتی ، سیم پار نقل و حمل نا آسراتی تیٹی ودکی و زرکاری و کمکاری نا است بڈی ءِ کروک آ پالیسی تا نفاذ المی ءِ۔