لاہور۔ 16 نومبر (اے پی پی) لاہور نا ضلع کچہری نا ہندی جوڈیشل عدالت پنجاب اسمبلی غیرکانودی بھرتی تا دوبہ ٹی درج مقدمہ ٹی دزگیرتحریک انصاف نا صدر و مسکوہی وزیراعلیٰ پنجاب چوہدری پرویز الٰہی نا جوڈیشل ریمانڈ اٹی چانڑدہ دے انا ودکی کرسا چوہدری پرویز الٰہی ءِ دُوارہ زندان آ گدریفے۔ ضلع کچہری ٹی جوڈیشل مجسٹریٹ عمران عابد کیس انا سماعت کرے۔ پنچ شنبےنادے آ سماعت آ چوہدری پرویز الٰہی ءِ جوڈیشل ریمانڈ چٹنگ آزندان آن اودے اتسا عدالت اٹ پیش کننگا و اونا حاضری ءِ خلنگا۔ عدالت پرویزالٰہی ءِ خاہوت تون اوڑدہی نا موکل ہم تس۔ اینٹی کرپشن چوہدری پرویزالٰہی نا برخلاف پنجاب اسمبلی ٹی غیرکانودی وڑاٹ گریڈ ہفدہ ٹی بھرتی تا دوبہ ٹی مقدمہ درج کرینے۔
