اسلام آباد۔ 15 نومبر (اے پی پی) نگران وزیر ڈٹ بندی محمد سمیع سعید تون بحریہ یونیورسٹی نا ریکٹر وائس ایڈمرل (ر) آصف خالق چارشنبے نادے آ داڑے اوڑدہی کرے۔ اوڑدہی ٹی تعلیم و کسبی تربیت نابابت چند ی امور تیا گپ وتران کننگا۔ اوڑدہی ٹی وائس ایڈمرل (ر) آصف خالق یونیورسٹی نا اہم گام گیج آتے مون آ تخا۔ داوخت آ نگران وزیر ڈٹ بندی تعلیم نا بشخ اٹی مون آ بروک چیلنج آتے مون آ تخسا تعلیمی اصلاحات نا اہمیت آ زور شاغا۔ اوتعلیم نا بشخ اکن وزارت ڈت بندی نا کنڈآن کروک آ چندی گام گیج آتے ہم مون آ تخا و حکومت نا کنڈآن پورو کمکاری فراوان کننگ نا عزم انا ہم درشانی ءِ کرے۔ داوخت آ ریکٹر بحریہ یونیورسٹی وزارت ڈٹ بندی نا کوشست آتا ستاءِ کرے۔ یات سلے کہ ملکی تاریخ اٹی دا اولیکو موقع ءِ کہ ہائر ایجوکیشن کمیشن نا بجٹ ءِ 40 ارب روپئی آن ودفسا 70 ارب روپئی کننگانے۔
