سویلی افریقہ وزیرخارجہ نالیدی پیندور نا خواست کہ اسرائیلی وزیراعظم جنگی ڈوہدار ءِ اودے دزگیرکرسا مقدمہ چلیفنگے ، چیئرمین قائمہ کمیٹی سینیٹر محمد عبدالقادر

کوئٹہ۔ 14 نومبر (اے پی پی) چیئرمین اسٹینڈنگ کمیٹی پیٹرولیم و ریسورسز و سیاسی و اقتصادی امور نا ماہر سینیٹر محمد عبدالقادر پارینے کہ سویلی افریقہ نا وزیرخارجہ نالیدی پندور غزہ ٹی برجاو وحشیانہ کارروائی تیا اسرائیلی وزیراعظم نا دزگیری نا خواست کرینے سویلی افریقہ نا وزیرخارجہ نا پاننگ ءِ کہ غزہ ٹی جارحیت آن پد اسرائیلی وزیراعظم میاں یاہو جنگی ڈوہدار ءِ اودے دزگیرکننگے۔داڑے جاری مروک اسہ بیان اسے ٹی اوپارے کہ آئی سی سی نا دائرہ اختیار اٹ 3 خلاف ورزی جنگی ڈوہ، انسانیت نا برخلاف ڈوہ و کشت وخون نا جاست وپاست کننگے وزیرخارجہ نالیدی پیندور پارے کہ اودے اومیت ءِ کہ جہانی فوجداری عدالت (آئی سی سی ) نا کنڈآن اسرائیلی وزیراعظم بنیامین نیتن یاہو نا دزگیری نا وارنٹ جاری کننگے سویلی افریقی وزیرخارجہ او آئی سی سی نا پروسیکیوٹر آن جاست وپاست نا رفتار ءِ ودفنگ نا خواست کینہ۔ اوپارے کہ جنگی ڈوہ ، انسانیت نا برخلاف ڈوہ و کشت وخون نا جاست وپاست بلاتاخیر کننگے اوناپاننگ ءِ کہ اودے یقین ءِ کہ دا ڈوہ انا زموار آتا برخلاف کارروائی آن آخبت داوڑنا انسانیت دشمن و سفاک درندہ غاتے کیفرکردار اسکان سرکننگ اٹ کمک رسینگک اسرائیلی وزیراعظم نیتن یاہو و اونا کابینہ نا گڑاس باسک آجو و بے لغام اِلنگ نا حقدار افس۔ چیئرمین قائمہ کمیٹی پارے کہ سویلی افریقی وزیر خارجہ نا پاننگ ءِ کہ غزہ ٹی اسرائیلی فوج کودک فلسطینی تیا بے رحمی اٹ بمباری کننگ ءِ ہراڑا جہانی برادری ءِ مون آ برسا اسرائیل نا دوتے توروئی مریک غزہ ٹی اسرائیل جارحیت دمدستی وڑاٹ بایدے چٹے جنگ آک وخت اس ہم ویل آتا ایسر اس پیش کپسہ بلکن پوسکن آن پوسکن ویل آتے ودی کیرہ جنگ و جھیڑہ غاتے مدام سفارتی و سیاسی کوشست آتے اٹ چٹفنگک۔