کوئٹہ ۔ 14 نومبر (اے پی پی) بنجائی سیکرٹری کامرس صالح محمد فاروقی پارینے کہ پاک اوغان ٹرانزٹ ٹریڈ ءِ ملنگ نا بابت انشاء اللہ بھا ز زوت پوریاگرآتے مستائی اس ملک، پاک اوغان ٹرانزٹ و اوغانستان تون واپاری رابطہ غاتے ودفنگ و بارٹر ٹریڈ نا میکانزم آ گپ وتران کن اوغانستان نا ڈل پاکستان آ سرمسنے۔ داہیت ءِ او فیڈریشن آف پاکستان چیمبرآف کامرس اینڈ انڈسٹریز نا نائب صدر حاجی جمال الدین اچکزئی نا کماشی ٹی اوڑدہی کروک آ پوریاگرآتا اسہ ڈل اسے تون گپ وتران کرسا پارے۔ اوڑدہی ٹی پاک ایران واپار اٹی بروک اڑاند و ویل آتیا گپ وتران کننگا۔ بنجائی سیکرٹری کامرس پاک اوغان بارٹر ٹریڈ نا وڑوڈول و اوفتے آسراتی تننگ نا بابت پوریاگرآتا سلاہ تے خوڑتی اٹ بِنگ و اوفتے مون تروک ویل آتے ایسر کننگ نا باوری کرفے۔ بنجائی سیکرٹری کامرس صالح فاروقی ڈل ءِ پارے کہ پاک اوغان ٹرانزٹ و اوغانستان تون واپاری رابطہ غاتے ودفنگ و بارٹر ٹریڈ نا میکانزم آ گپ وتران کن اوغانستان نا سرپرست وزیر واپار نوردین عزیزی نا کماشی ٹی اسہ ڈل اس پاکستان آ سرمسنے اینو آن اوفتے تون مذاکرات بناکننگ ءِ انشاء اللہ پاک اوغان ٹرانزٹ ٹریڈ ءِ ملنگ نا بابت بھاز زوت مستائی اس ملک و بروک آ دے ازبکستان نا واپاری ڈل اتون پاک اوغان واپاری ڈل آتا اوڑدہی مریک ہراٹی پاک اوغان و ازبکستان نا نیام اٹ ٹرانزٹی ویل آتیا ہیت مریک و ہر مسٹ آ ملک آتا نیام اٹ دامذاکرات آن واپار ءِ پین فروغ ملک۔
