اسلام آباد۔ 14 نومبر (اے پی پی) نیشنل ہائی ویز اینڈ موٹرویز پولیس ترند گوتلو و حد نگاہ بے کچ کم مننگ نا سوب آن موٹروے ایم ون ءِ پشاور آن برھان اسکان ریسہ وار بند کرے۔ ترجمان موٹروے پولیس نارتھ زون ناکنڈآن جاری بیان نا رداٹ موٹروے ءِ بند کننگ نا مسخت شکست آتا بچنگ و موٹروے ءِ کاریم اٹ اتوک آتا جان و مال انا رکھ ءِ شاری تیان خواست ءِ کہ گوتلو نا وخت آ بے گرج سفرآن پاناد کیر۔ تینا سفر ءِ دے انا روشنائی ٹی پورو کرسا گوتلو نا بناکننگ آن مست تینا مزل مقصود اسکان سرمریر۔ گاڈی تیٹی فوگ لائٹ آتے کاریم اٹ اتیر۔ ترند رفتاری آن پاناد کیر و مون نا گاڈی آ جوان ءُ فاصلہ اس معمول آن زیات تخر۔ سفرنا بناءِ کننگ آن مست گوتلونا بابت موٹروے پولیس ہیلپ لائن 130 آن معلومداری ہلنگ مریک ۔ داکان بیدس نیشنل ہائی ویز اینڈ موٹروے پولیس نا آفیشل سوشل میڈای اکاؤنٹ آن ہم تازہ معلومداری ہلنگ مریک ۔ گوتلو نا حالیت گچین مننگ آ موٹروے ءِ ہروڑنا ٹریفک کن ملنگک۔
