راولپنڈی۔ 14 نومبر (اے پی پی) اینٹی نارکوٹکس فورس (اے این ایف) منشیات سمگلنگ نا برخلاف 8 کارروائی تیٹی 233 کلوگرام منشیات دوئی کرسا 6 دوبہ دار ءِ دزگیرکرے۔ اے این ایف ترجمان نا رداٹ 26 نمبر چونگی اسلام آباد آ 4 جتا کارروائی تیٹی 4 کلو 66 گرام منشیات دوئی کننگا۔ کارروائی ٹی پشین نا ہنکینی دوبہ داراسے آن 900 گرام آئس دوئی کننگا۔ ایلو کارروائی ٹی خیبرنا ہنکینی دوبہ دار اسے آن 800 گرام آئس و 250 گرام ہیرون دوئی کننگا۔ مسٹ میکو کارروائی ٹی نوشہرہ نا ہنکینی زالبول اسے آن 2 کلو چرس دوئی کننگا۔ چارمیکو کارروائی ٹی خیبرنا ہنکینی دوبہ دار آن 116 گرام آئس و اسہ پشٹول اس دوئی کننگا۔ علامہ اقبال انٹرنیشنل بالی پٹ آ مسافر اسے نا بیگ آن 1 کلو آئس دوئی کننگا۔ ساہیوال نا ہنکینی دوبہ دار جہاز نمبر PK-859نا کمک اٹ سعودی عرب کن روانہ مسکہ۔ فتح چوک بس اشٹاپ حیدرآباد آ ٹنڈو محمد خان نا ہنکینی دوبہ دار اسے آن 3 کلوچرس دوئی کننگا۔ نوکنڈی و کچلاک اٹی 2 کارروائی تیٹی اسمگلنگ کن اودیم کروک آ منشیات آتے دوئی کننگا۔ دوئی مروک منشیات آتیٹی 27 کلو ہفیم، 103 کلوہیرون و 95 کلومارفین اوار ءُ۔ ترجمان پارے کہ دوبہ دار آتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
