اسلام آباد۔ 14 نومبر (اے پی پی) نگران بنجائی وزیر قومی جان جوڑی ڈاکٹر ندیم جان مچ آ ملک اٹی غیررجسٹرڈ ، پابندی مروک و روایتی سرنچ آتا بہاکننگ نا نوٹس ءِ ہلسا غیررجسٹرڈ/پابندی مروک/روایتی سرنچ آتا بہاکننگ نا برخلاف مہم نا بناءِ کننگ نا پارت کرینے۔ سے شنبےنادے آوزارت جان جوڑی آن جاری بیان نا رداٹ ڈاکٹر ندیم جان نا پارت آ مارکیٹ سروے نا بناءِ کننگ انگ ءِ ۔ ڈاکٹر ندیم خان دا بابت ڈریپ، فیلڈ دفتر و صوبائی محکمہ جان جوڑی ءِ پارت جاری کرینے۔ اوپارےکہ روایتی سرنچ آتا وار وار آ کاریم اٹ اتنگ مریک ہراکہ زڑدوئی، ایڈز پین پین کون آ متعدی ناجوڑی تا تالانی نا سوب جوڑ مننگ کیک۔ اوپارے کہ ہرا گڑاتیا پابندی عائد کننگانے اوفتا بہاکننگ، بشخنگ و اسٹاکنگ اٹ اوار ڈوہدار تا برخلاف سخت کارروائی کننگک۔ یات سلے کہ مچ آ ملک جعلی، غیررجسٹرڈ دوائی تا چٹفنگ کن مربوط حکمت عملی اس جوڑ کرینے۔ مچ آ ملک اٹی نیشنل ٹاسک فورس انا رداٹ چھاپہ خلنگ انگ ءِ۔
