اِراجتا واقعہ غاتیٹی دہشت گرد زوال، سپاہی اس شہیدی نا جام ءِ نوش کرے، آئی ایس پی آر

راولپنڈی۔ 14 نومبر (اے پی پی) سیکورٹی فورس آک ضلع خیبرنا علاقہ باڑہ ٹی انٹیلی جنس بیسڈآپریشن اٹی اسہ سرگرم دہشت گرد اسے کسفیر، وخت اس کہ اسہ سپاہی اس ضلع ڈیرہ اسماعیل خان نا علاقہ درازندہ ٹی اسہ نجی کمپنی اسے نا گاڈی آ دہشت گرد آتا جلہو  ءِ نرزوری اٹ بے سہب کرسا شہیدی نا جام ءِ نوش کرے۔ آئی ایس پی آر نا رداٹ 13 نومبر آ ضلع خیبرناعلاقہ باڑہ ٹی انٹیلی جنس آ تالان آپریشن اس کننگا ہراٹی اسہ دہشت گرد اسے جہنم واصل کننگا ہرانا درستی راستی قدرت شاہ عرف ابوبکر نا پن اٹ مسنے، سیکورٹی فورس آک خلنگوک آ دہشت گرد نا کوزہ غان سلہہ و گولہ بارود ہم دوئی کریر۔ ضلع ڈیرہ اسماعیل خان نا علاقہ درازندہ ٹی اسہ پین واقعہ سے ٹی دہشت گرد آک علاقہ ٹی شونداری ڈٹ آتیا کاریم کروک آ نجی کمپنی نا گاڈی تیا سم کاری کریر ۔ سم کاری ٹی کمپنی نا اِرا بے گناہ سول ملازم محمد فیصل (وئی 35 سال) و آصف کامران (وئی 29 سال) ضلع کرک انا ہنکینی شہید مسر۔ پروجیکٹ نا رکھ آ سلوک سپاہی سید محمد شاہین شاہ (وئی 33سال، ہنکینی، ضلع ہنگو) نرزوری اٹ جنگ ترسا شہیدی نا جام ءِ نوش کرے۔ آئی ایس پی آر پارے کہ علاقہ ٹی ساڑی دہشت گرد آتے چٹفنگ کن سینی ٹائزیشن آپریشن کننگ انگ ءِ ، پاکستان نا سیکورٹی فورس آک دہشت گردی نا لعنت ءِ چٹفنگ کن سنبرینگوک ءُ، و علاقہ نا زرگزرانی شونداری کن کمکاری ءِ برجاتخرہ۔