لاہور۔ 14 نومبر (اے پی پی) لاہور نا انسداد رشوت ستانی نا خصوصی عدالت پنجاب اسمبلی نا سیکرٹری محمد خان بھٹی ءِ بطور پرنسپل سیکرٹری وزیراعلیٰ پنجاب تعیناتی کننگ نا مقدمہ ٹی مسکوہی وزیراعلیٰ پنجاب چوہدری پرویز الٰہی نا درخواست ضمانت آ مقدمہ نا ریکارڈ پیش مفننگ آ سماعت پگہ (چارشنبے) اسکان پدبٹے۔ اینٹی کرپشن عدالت نا جج ارشد حسین بھٹہ مسکوہی وزیراعلیٰ پنجاب چوہدری پرویز الٰہی نا درخواست ضمانت آ سماعت کرے۔ سے شنبے نادے آ پراسیکوشن عدالت ءِ معلومدار کرے کہ مقدمہ نا ریکارڈ لاہور ہائیکورٹ اٹی رٹ پٹیشن اٹ پیش کننگانے مہلت تننگے ہراڑا عدالت پراسکیوشن آن مقدمہ نا ریکارڈ ءِ اینو بٹنگسا سماعت ءِ ملتوی کرے و وکیل آتے دلیل پیش کننگ نا پارت کرے۔ درخواست گزار چوہدری پرویزالٰہی نا وکیل موقف اختیار کرے کہ دوبہ دار پرویزالٰہی جوڈیشل ریمانڈ آ زندان اٹی ءِ مستی جاست وپاست درکار اف، عدالت درخواست ضمانت بعد ازدزگیری منظور کے۔ اینٹی کرپشن اسٹیبلشمنٹ پرویزالٰہی تون اوار ایلوفتا برخلاف مقدمہ نوشتہ کرینے۔

متعلقہ مضامینمصنف کی طرف سے مزید