اسلام آباد۔ 14 نومبر (اے پی پی) الیکشن کمیشن داتم اسکان 88 ضلع غاتیٹی پوسکن آحلقہ بندی تیا اعتراض آتے سرتسنے، حلقہ بندی تا گڈیکو لڑ ءِ 30 نومبرآ شینک کننگک اوکان پد لس گچین کاری تا گچین کاری شیڈول ءِ جاری کننگک۔ ای سی پی ذرائع نا رداٹ ڈیجیٹل مردم شماری نا رداٹ کروک آ پوسکن آ حلقہ بندی تا بنائی لڑ ءِ 27 ستمبر آ جاری کننگاسس اوکان پد 27 اکتوبراسکان داڑآ اعتراض آتے خواہنگاسس۔ دااعتراض آتے سرتننگ کن الیکشن کمیشن 2 بنچ جوڑ کرے ہراڑے ہڑدے ئی بنداو آ قومی و صوبائی اسمبلی نا پوسکن آ حلقہ بندی تیا اعتراض آتے سرتننگ انگ ءِ۔ کمیشن نا رداٹ داتم اسکان ضلع اسلام آباد، شکار پور، جیکب آباد، کشمور، سیالکوٹ، خضدار، راجن پور، کرم ، خیبر، ننکانہ صاحب، اٹک، جہلم ، کوہاٹ، کورنگی، خوشاب، بہاولپور، سکھر، کوٹ ادو، ٹوبہ ٹیک سنگھ، سائوتھ کراچی، لوئر دیر، ہنگو، اوکزئی، ملتان، جھنگ، مہمند، مانسہرہ، طورغر، بٹگرام، عمر کوٹ، کراچی ویسٹ، سنٹرل کراچی، کیماڑی، سائوتھ وزیرستان، نارتھ وزیرستان، باجوڑ، لکی مروت ، شانگلہ، بونیر، ژوب ، شیرانی ، قلعہ سیف اللہ، رحیم یارخان، نارووال ، راولپنڈی ، مری، لیہ ، تھرپارکر، بدین، شہدادکوٹ، شہید بینظیر آباد، لاڑکانہ، فیصل آباد، جامشورو، صوابی، سرگودھا، میانوالی، ٹھٹھہ ، اپر دیر، کرک، مظفر گڑھ، بھکر، خیرپور، اوکاڑہ، پاکپتن، بہاولنگر، تونسہ، وہاڑی، کوئٹہ، چمن، قلعہ عبداللہ ، چاغی، خاران ، واشک، حافظ آباد، گوجرانوالہ ،قصور، ڈی آئی خان، ٹانک، پشاور، ملیر، سانگھڑ، سوات، ہری پور، چکوال، تلہ گنگ، پشین وزیارت نا ضلع غاتیٹی قومی و صوبائی اسمبلی تا حلقہ غاتیا اعتراض آتے سرتننگانے۔۔الیکشن کمیشن ءِ پنجاب اٹی 672، سندھ اٹی 228، خیبر پختونخوا ٹی 293، بلوچستان اٹی 124 و اسلام آباد اٹی پوسکن آ حلقہ بندی تیا 7 اعتراض دوئی مسوسس۔الیکشن کمیشن بروک آ لس گچین کاری تیکن 8 فروری 2024 نا تاریخ نا پڑو ءِ کرینے،30 نومبر آ حلقہ بندی تا گڈیکو اشاعت آن پد لس گچین کاری تا پورو شیڈول نا پڑو ءِ کننگک۔
