اسلام آباد۔13نومبر (اے پی پی):ازبکستان ءِ نائب مزن وزیر ڈاکٹر جمشید خد جایف مرچی دو شمبے ءَ دو روچی تر ءُ تاب ءِ ھاترا پاکستان ءَ پج اتگ۔ وزارت ءِ نیمگ ءَ جاڑیگیں پریس ریلیز ءِ رد ءَ ادارکی بنجاھی وزیر برائے تجارت ڈاکٹر گوہر اعجاز ءَ ھوار ٹوھیں ٹوھیں کارندہ آں نائب مزن وزیر ڈاکٹر جمشید خدجایف کانور خان ائیر بیس ءِ سر ءَ وش اتک کت۔ وتی تر ءُ تاب ءِ ساھت ءَ ڈاکٹر جمشین خد جایف ءَ ادارکی بنجاھی وزیر ڈاکٹر گوہر اعجاز ءَ گوں گند ءُ نند کت۔ اے موہ ءَ ازبکستان ءِ نائب مزن وزیر ءَ گوشت کہ آئی ءِ استیں تر ءُ تاب ءِ مول ءُ مراد دوئیں ملک آنی نیام ءَ دو نیمگی تجارت ءُ سرمایہ کاری ءَ ھوار جتا جتائیں شوبگ آنی تہ ءَ کمک آناں دیمروئی دیگ انت۔
