اسلام آباد۔ 13 نومبر (اے پی پی) نگران بنجائی وزیر داخلہ سرفراز احمد بگٹی اسلام آباد ٹریفک پولیس ءِ دنیا نا گچین ٹریفک پولیس گوندسا پارینے کہ کانود نا عملداری ٹی ہچ کس بالادست اف، ہرادے راج اٹ کانود نا مون آ وی وی آئی و لس بندغ نا پرخ چٹک نن بحیثیت راج بھاز مون آ کانہ۔ اودوشنبے نادے آ اسلام آباد ٹریفک پولیس ہیڈکوارٹرزنا بنائی دودآن تران کریکہ۔ …
اسلام آباد ٹریفک پولیس دنیا نا جوان انگا ٹریفک پولیس ءِ، نگران وزیرداخلہ سرفراز بگٹی نا ٹریفک پولیس ہیڈکوارٹرزاٹی تران
اسلام آباد۔ 13 نومبر (اے پی پی) نگران بنجائی وزیر داخلہ سرفراز احمد بگٹی اسلام آباد ٹریفک پولیس ءِ دنیا نا گچین ٹریفک پولیس گوندسا پارینے کہ کانود نا عملداری ٹی ہچ کس بالادست اف، ہرادے راج اٹ کانود نا مون آ وی وی آئی و لس بندغ نا پرخ چٹک نن بحیثیت راج بھاز مون آ کانہ۔ اودوشنبے نادے آ اسلام آباد ٹریفک پولیس ہیڈکوارٹرزنا بنائی دودآن تران کریکہ۔ اسلام آباد کیپٹل سٹی پولیس آفیسر ڈاکٹر اکبرناصر خان ، چیف ٹریفک آفیسر محمد سرفراز ورگ، ایس پی ٹریفک چوہدری عابد حسین تون اوار بنجائی پولیس و ٹریفک پولیس نا کمامدارآک دا دود اٹی ساڑی ئسر۔ نگران بنجائی وزیر داخلہ سرفرازبگٹی ٹریفک پولیس ہیڈکوارٹرزماڑی نا باقاعدہ بناءِ کرے و ٹریفک آفس نا چندی بشخ آتا دورہ ءِ ہم کرے ۔ دود آن تران کرسا نگران بنجائی وزیر داخلہ سرفراز احمد بگٹی پارے کہ داٹی ہچ ءُ دورائے اس اف کہ اسلام آباد ٹریفک پولیس نا شمار پاکستان نا آخا بلکن دنیا نا گچین ٹریفک پولیس اٹی مریک۔ بطور پارلیمنٹرین ٹریفک کانود نا خلاف ورزی آ کنا ہم چالان مسنے، دااست بڈ ءُہیت اسے، ہرادے راج اٹ کانود نا مون آ وی وی آئی و لس بندغ نا پرخ چٹک نن بحیثیت راج بھاز مون آکانہ۔
