اسلام آباد ٹریفک پولیس نگران بنجائی وزیر داخلہ ءِ انٹرنیشنل ڈریونگ لیسن جاری کرے

اسلام آباد۔ 13 نومبر (اے پی پی) اسلام آباد ٹریفک پولیس نگران بنجائی وزیر داخلہ سرفراز بگٹی ءِ انٹرنیشنل ڈریونگ لیسن جاری کرے۔ دوشنبے نادے آ نگران بنجائی وزیر داخلہ سرفرازاحمد بگٹی اسلام آباد ٹریفک پولیس ہیڈکوارٹرآتا باقاعدہ بناءِ کننگ آن پد اسلام آباد ٹریفک  پولیس نا کنڈآن بناکروک آ انٹرنیشنل ڈریونگ لیسن امور نا جاچ ءِ ہلنگ کن ڈیٹاانٹری و بائیو میٹرک بشخ انا دورہ ءِ کرے۔ اوہموڑے تینا ڈیٹا انٹری و بائیو میٹرک ہم کرفے اوکان پد اودے انٹرنیشنل ڈریونگ لیسن جاری کننگا۔ آئی سی سی پی او ناصر اکبر، ایس ایس پی ٹریفک سرفراز احمد ورگ ہم داوخت آ ساڑی ئسر ۔ نگران وزیرداخلہ چندی وڑنا لیسن تا جاری، جہانی لیسن تا جاری کننگ کن بروک آ شاری تے گچین آسراتی فراوان کننگ آ اسلام آباد ٹریفک پولیس نا ستاءِ کرے۔