لاہور۔ 13 نومبر (اے پی پی) فیڈریشن آف پاکستان چیمبرز آف کامرس اینڈ انڈسٹریز (ایف پی سی سی آئی) نا صدر عرفان اقبال شیخ پارینے کہ پاکستان و آذربائیجان نا نیام اٹ واپار ، توانائی و ایلو بشخ آتیٹی ہڑتوم آ کنڈآتا کمکاری نا بھلو وارخواہی اس ساڑی ءِ، ہڑتوم آ ملک آتا نیام اٹ کاروباری رابطہ خاص وڑاٹ ایف پی سی سی آئی نا کہول آ تین پہ تینی رابطہ غاتا مون آ دننگ وخت انا اہم ءُ گرج اسے، ڈل تا ہن و برتا کمک اٹ واپاری کچ اٹی ودکی اتون اوار اوار تین پہ تینی واپار اٹ بروک اڑاند آتے مر کننگ اٹ ہم کمک رسینگک۔ داخیال آتا درشانی ءِ او آذربائیجان اٹ پاکستان نا سفیر بلال حئی نا ایف پی سی سی آئی ریجنل آفس لاہور نا دورہ نا وخت آ گپ وتران کرسا کرے۔ ترجمان نا رداٹ داوخت آ ایف پی سی سی آئی نا ریجنل چیئرمین محمد ندیم قریشی، سارک چیمبر نا نائب صدر میاں انجم نثار و ایف پی سی سی آئی نا نائب صدر رفعت ملک ئسک ہم ساڑی ئسر۔
