لاہور۔ 13 نومبر (اے پی پی) لاہور ہائی کورٹ مسکوہی وزیراعلیٰ پنجاب چوہدری پرویز الٰہی ءِ بحفاظت اُراغا سرکپننگ و عدالتی پرمان تیان پد ہم دزگیر کننگ آ پولیس آفیسر آتا برخلاف توہین عدالت نا درخواست آ کارروائی درخواست گزار نا وکیل نا ساڑی مفننگ نا سوب آن 16 نومبر اسکان ملتوی کرے۔ لاہور ہائی کورٹ نا جسٹس سلطان تنویر چوہدری پرویزالٰہی نا اُرائی قیصرہ الٰہی نا توہن عدالت نا درخواست آ دوشنبے نادے آسماعت کرے۔ قیصرہ الٰہی تینا اَرے ءِ عدالتی پرمان آن پد ہم دُوارہ دزگیر کننگ آ توہین عدالت نا کارروائی کن عدالت تون رجوع کرینے۔ عدالتی پرمان آ ڈی آئی جی عمران کشور عدالت اٹ پیش مس ، درخواست گزار نا سینئر وکیل اختہ مننگ نا سوب آن پیش مننگ کتو، ہراڑآ جونیئر وکیل خواست کرے کہ عدالت کارروائی ءِ ملتوی کے۔ عدالت کیس انا سماعت ءِ 16 نومبر اسکان پدبٹے۔
