اسلام آباد۔ 13 نومبر (اے پی پی) وزارت مذہبی امور حضر ت امیر خسر و ؒ نا عرس انا دود آتیٹی بشخ ہلنگ نا خواہندار پاکستانی تیان 25 نومبر اسکان درخواست آتے بٹنگا۔ وزارت مذہبی امور آن جاری نوٹیفکیشن نا رداٹ حضرت امیر خسر و ؒنا عرس 23 آن 30 اپریل 2024 آ بھارت نا شار نئی دہلی ٹی اڈ ہلیک۔ عرس انا دود آتیٹی بشخ ہلنگ نا خواہندار پاکستانی زائر آتے پاننگانے کہ او 25 نومبر اسکان تینا درخواست آتے وزارت مذہبی امور نا زیارات سیکشن آ گدریفر۔ درخواست آتا کچ تخوک آ وخت آن گدرینگ انگ نا دروشم اٹ قرعہ اندازی 25 دسمبر آ وزارت مذہبی امور اٹی مریک۔ دابابت ایلو معلومداری تے وزارت نا ویب سائٹ آ ہم ہُننگ مریک۔ عرس اٹ بشخ ہلنگ نا خواہندار زائر آتے کوویڈ۔ 19 نا حالیت و ہڑتوم آ ملک آتا نیام اٹ زائر آتا ہن و بر نا بابت پروٹوکول ءِ مون آ تخسا دورہ نا بابت گڈیکو فیصلہ غان معلومدار کننگک۔
