راولپنڈی۔ 13 نومبر (اے پی پی) اے این ایف منشیات اسمگلنگ نا برخلاف برجاکریک ڈاؤن اٹی 4 کارروائی تیٹی 110 کلوگرام منشیات تون اوار 3 دوبہ دار ءِ دزگیرکرے۔ اے این ایف ترجمان نا رداٹ علامہ اقبال انٹرنیشنل بالی پٹ آ مسافر اسے نا پڈ آن 59چرس آن پُر کیپسول دوئی کننگا۔ گوجرانوالہ نا ہنکینی دوبہ دار جہاز نمبرGF-765نا کمک اٹ بحرین کن روانہ مسکہ۔ ملتان بالی پٹ آ مسافر نا پڈآن 81ہیرون آن پُر کیپسول ودئی کننگا۔لاہور نا ہنکینی دوبہ دار جہاز نمبر PA-812نا کمک اٹ شارجہ کن روانہ مسکہ۔ ہزارگنجی روڈ کوئٹہ غا کارروائی کرسا کوئٹہ نا ہنکینی دوبہ دار آن 105 کلو چرس دوئی کننگا۔ زخہ خیل خیبرنا غیرآباد علاقہ ٹی سمگلنگ کن اودیم کروک آ 5 کلوچرس دوئی کننگا۔ ترجمان پارے کہ دوبہ دار نا برخلاف انسداد منشیات ایکٹ نا رداٹ مقدمہ نوشتہ کرسامستی جاست وپاست نا بناءِ کننگانے۔
