اسلام آباد۔ 13 نومبر(اے پی پی) تعمیراتی بشخ اٹی برجامالی سال انا اولیکو سہ ماہی ٹی 7.1 ملین ڈالر نا براہ راست درملکی زرکاری ریکارڈ کننگا۔ زرکاری بورڈ انا کنڈآن جاری حساب وکتاب نا رداٹ 2023-24نا اولیکو سہ ماہی (جولائی آن ستمبر ) اٹی ملک اٹی تعمیرات نا بشخ اٹی براہ راست درملکی زرکاری 7.1 ملین ڈالر ریکارڈ کننگا۔ تدوک آ 4 سال اٹی تعمیرات نا بشخ اٹی جم وڑاٹ 107.5 ملین ڈالر نا براہ راست درملکی زرکاری ریکارڈ کننگا۔ مالی سال 2019-20اٹی تعمیرات نا بشخ اٹی 20.9ملین ڈالر، مالی سال 2020-21اٹی 31.1ملین ڈالر، مالی سال 2021-22اٹی 36.5 ملین ڈالر، 2022-23اٹی براہ راست درملکی زرکاری 19 ملین ڈالر ریکارڈ کننگا۔
