کوئٹہ۔ 13نومبر (اے پی پی) اسسٹنٹ کمشنر صدر حبیب احمد بنگلزئی و تحصیلدار ثناء اللہ بلوچ بائی پاس آ خلوک آ ہولڈنگ کیمپ انا دورہ ءِ کریر و ہموڑے غیرکانودی پردیسی تے تروک آ آسراتی و بست وبند آتا جاچ ءِ ہلکر، اوپردیسی تتون اوڑدہی ہم کریر۔ اے سی انتظامیہ نا کنڈآن خلوک آ فری میڈیکل کیمپ انا دورہ ءِ ہم کریر۔ ڈاکٹر آک اوفتے ہولڈنگ کیمپ اٹی ساڑی بندغ آتے تروک آ درمان نا آسراتی تیان معلومدار کریر۔ اوفک ہولڈنگ کیمپ اٹی ساڑی غٹ بندغ آتیان اوفتا درمان و طبی آسراتی تا بابت سرجم معلومداری ہلکر۔ داوخت آ اوفک ہولڈنگ کیمپ انا منتظمین آتے دِیر خور و ایلو آسراتی تا فراوانی ءِ پک کننگ نا ہم پاریر۔ اوفک ہولڈنگ کیمپ اٹی سفائی ستھرائی ءِ است جم گوندسا خوشی نا درشانی ءِ کریر۔
