ریاض۔11نومبر (اے پی پی): ادارکی مزن وزیر انوار الحق کاکڑ ءَ شور ءُ مشور داتگ کہ عرب ءُ اسلامتی ملک اسرائیل ءِ ھلاپ ءَ نسل کشی کنونشن ءِ چیر دستی ءَ جنگی دست مانجنی ءُ بنی آدم آنی ھلاپ ءَ زوراکی ءَ را میاں اوستمانی انصاف ءِ آمید گس آئی سی جے ءَ کاروائی ءِ واستہ امیت پٹ ءُ پول بکن انت، یونائیٹڈ نیشن ءِ سیکرٹری جنرل ءِ سر ءَ 7 اکتوبر ءَ چہ پد اسرائیل ءِ جنگی زوراکی ءُ بنی آدم آنی ھلاپ ءَ ظلم آنی پٹ ءُ پول ءِ واستہ ھاسیں کمیشن ءِ جوڑ کنگ بہ بیت، کشاں چیل آنی پکوئیں گیواری کنگ بہ بیت ، 1967 ءَ چہ پیسر سیم سر آنی رد ءَ ءُ القدس فلسطین ءِ دارالحکومت بہ بیت۔ آ شمبے ءِ روچ ءَ عرب ءُ اسلامتی ملک آنی ایمرجنسی سروک دیوان ءَ گشتانک دیگ ءَ ات۔ اے ایمرجنسی دیوان ءَ غزہ ءِ جاور ھال آنی بابت ءَ ھیال ریچی کنگ بوت۔
