ریاض۔11نومبر (اے پی پی):ادارکی مزن وزیر انوالحق کاکڑ ءَ شمبے ءِ روچ ءَ سعودی عرب ءِ ولی عہد ءُ مزن وزیر شہزادہ محمد بن سلمان بن عبدالعزیز ءَ گوں گند ءُ نند کت ایشی ءِ اندر ءَ آئی ءَ سعودی عرب ءِ میزبانی ءَ ریاض ءَ جاڑیگیں یکجائی عرب اسلامی ایمرجنسی سروک دیوان ءِ موہ ءَ غزہ ءُ روبرکتی دمگ آنی تہ ءَ فلطینی آنی ھلاپ ءَ اسرائیلی زوراکیں ارد ءِ کودکیں فلسطینی آنی لگت مالی ءِ جاور ھال آنی ھوالگ ءَ ھیال ریچی کت۔ مزن وزیر کاکڑ ءَ ڈادم الحرمین الشریفین ءُ ولی عہد ءِ جوانیں سروکی ءَ فلسطینی کاز ءِ دیمروئی ءِ واستہ سعودی عرب ءِ کرد ءُ کوشست آناں ساڑات۔ آئی ءَ فلسطینی دمگ آنی نہ وشیں جاور آنی پد ءَ یکجائی عرب اسلامی کار رپک تیار کنگ ءِ واستہ دیوان ءِ وھد ءُموہ ءِ سر ءَ گوانک جنگ ءِ پد ءَ آئی ءِ شگر ءُ منت واری گپت۔ دوئیں سروک آں اسرائیل ءِ گر ءُ دار ءُ کودکیں فلسطینی آنی ھلاپ ءَ جنگ ءُ چوپ آنی گر ءُ دار ءِ واستہ زوتاں زوت میاں اوستمانی کمک ءِ ضلورت ءِ بابت ءَ زور پر دات۔
