سمندر پارپاکستانی تازرراہی تس اٹی اکتوبر اٹی ماہانہ و سالانہ بنداوتیا بالترتیب 11.5 و 9.6 درسد ودکی

اسلام آباد۔ 10 نومبر (اے پی پی) سمندر پار پاکستانی تا زرراہی تس اٹی اکتوبر اٹی ماہانہ و سالانہ بنداوتیا بالترتیب 11.5 و 9.6 درسد نا نموریکارڈ کننگانے۔ اسٹیٹ بینک آف پاکستان نا کنڈآن جاری کروک حساب وکتاب نا رداٹ اکتوبراٹی سمندر پارپاکستانیک 2.5 ارب ڈالر نا زرمبادلہ ملک آ مون تسر ہراستمبر نا مقابلہ ٹی 11.5 و تدوک آ سال اکتوبر نا مقابلہ ٹی 9.6 درسد زیات ءُ۔ ستمبر اٹی  سمندر پار پاکستانیک 2.2 ارب ڈالر و تدوک آ سال اکتوبر اٹی ہم 2.2 ارب ڈالر نا زرمبادلہ ملک آ مون تسوسر۔ مالی سال انا بنائی 4 تُو اٹی سمندر پارپاکستانیک جم وڑاٹ 8.8 ارب ڈالر نا زرمبادلہ ملک آ مون تسنو۔ اکتوبرا ٹی سعودی عرب اٹی کاریم کروک آ پاکستانیک 616.8ملین ڈالر، متحدہ عرب امارات 473.9ملین ڈالر، برطانیہ 330.2 ملین ڈالر و امریکہ ٹی کاریم کروک آ پاکستانیک 283.3 ملین ڈالر نا زرمبادلہ ملک آ مون تسر۔