اسلام آباد۔ 10 نومبر (اے پی پی) بنجائی وزیر حوالکاری و شینکاری و پارلیمانی امور مرتضیٰ سولنگی پارینے کہ اسہ ہم مسکوہی وزیر سلاہکار یا خصوصی کمکار اس سرکاری گاڈی تے اُراغادتنے۔ جمعہ نادے آ وقفہ سوج آتیٹی سینیٹر زرقہ سہروردی تیمور، شہادت اعوان و کامران مرتضیٰ نا سوج آتا ورندی ٹی اوپارے کہ کنتون اوار کابینہ نا گیشتر باسک آتون 1800 سی سی نا گاڈیک ءُ۔ اوپارے کہ رولز انا رداٹ بھلا حالیت آتیٹی پرائیویٹ وکیل آتا خذمت آتے دوئی کروئی تمک۔ سینیٹر شہادت اعوان پارے کہ لاآفیسر آتا تعیناتی نا باندات ءِ قائمہ کمیٹی آ گدریفنگے تانکہ اوڑا سرجم سجفنگ مرے۔ سینیٹر اعظم نذیر تارڑ پارے کہ لا آفیسر آک 20،20 مقدمہ غاتیٹی عدالت آتیٹی پیش مریرہ و اوفتے معاوضہ ہم اوفتا خواری نا بریبر ملپک۔
