تاشقند ۔10نومبر (اے پی پی): ادارکی مزن وزیر انوارالحق کاکڑ ءَ بھارت ءِ دلگوش نہ کنگ ءَ ابید پاکستان وتی ءُ پڑ ءِ ھاٹیگ ءِ ضلورت آناں سرجم کنگ ءِ واستہ تاپی گیس پائپ لائن منصوبگ سرجم کنگ ءِ واستہ جزمیگ انت، پاک بھارت یکو ئی آناں برجا کنگ ءِ واستہ کشمیر ءِ جیڈھ ءَ را یونائیٹڈ نیشن ءِ منوگری آنی رد ءَ گیوار کنگ لوٹ ائیت، غزہ ءَ بوکیں تباہی ءِ رند پد ءُ ایشی ءَ چہ ڈن در کنگ ءِ واستہ آسر آں چہ مکن کنان ءَ آھودا زوت جنگ بندی ءِ ھوالگ ءَ زور پر داتگ۔ آئیءَ گوشت کہ تاشقند ءَ اقتصادی کمکی گل ءِ شانزدھمی سروک دیدوان ءِ موہ ءَ ھال رسانکی ادارگ اناطولیہ ءَ را ھاسیں گلگدار ءَ آئیءَ گوشت کہ پڑ ءَ یک ٹوھیں بنی آدمی ڈکال ءُ تاوان ءِ گندگ بوھگ ءَ انت۔ ءُ ایشی ءِ آسر ءُ رند پد ایوک ءَ پڑ ءَ ناں بلکینگ ءَ پڑ ءَ چہ ڈن نکشن بوت کن اَنت۔ آئی ءَ گوشت کہ غزہ ءَ نگ ءِ زوت ھلاسی ءِ بابت ءَ زور پر دات، مزن وزیر ءَ وردن ءُ وراک ، درمان ءُ ایندگر المی ایں سامان آناں یک شلی ءَ پجاری ءِ واستہ بنی آدمی راہداری ءِ برجا ئی ءِ لوٹ ھم کتگ۔ آئی ءَ گوشت کہ اسلامی کمکی گل او آئی سی ءِ آیوکیں ھاسیں دیوان ءَ بھر زوری ءِ وداریگ انت۔ او آئی سی ءَ را غزہ ءِ جاور ھال آنی سر ءَ چار ءُ بچار کنگ لوٹ ائیت ءُ یکجائی بن گپ ءِ سہرا کنگ لوٹ ائیتت۔
