اینٹی نارکوٹکس فورس انا منشیات اسمگلنگ نا برخلاف کارروائی، 183 کلومنشیات تون اوار 4 دوبہ دار دزگیر

راولپنڈی۔ 10 نومبر (اے پی پی) اینٹی نارکوٹکس فورس منشیات اسمگلنگ نا برخلاف 2 کارروائی تیٹی 183کلومنشیات دوئی کرسا 4 دوبہ دار آتے دزگیرکرے۔ اے این ایف ترجمان نا رداٹ 26 نمبر چونگی اسلام آباد آ کار اسے آن 98 کلو 400 گرام ہفیم و 84 کلوچرس دوئی کننگا۔ کارروائی ٹی پشاور و خیبرنا ہنکینی 2 دوبہ دار آتے دزگیرکننگا۔ رنگ روڈ پشاور نا خڑک گاڈی اسے ٹی ساڑی خیبرنا ہنکینی 2 دوبہ دار ءِ دزگیرکننگا، ہرافتا کوزہ غان 1000 ایکسٹیسی (نشہ ئی ) ءُ گولی دوئی کننگا، دوئی نشئی آ گولی تے پشاور آن پنجاب اسمگل کننگاکہ۔ دوبہ دارآتا برخلاف انسدادِ منشیات ایکٹ نا رداٹ مقدمہ درج کرسا مستی جاست وپاست نا بناءِ کننگانے۔