نگراں حکومت دہشت گردی نا واقعہ و امن و ایمنی نا حالیت آتیا ان کیمرہ  بایدے حوال اس ایتے، سینیٹ اٹی قائد ایوان سینیٹر اسحاق ڈار

اسلام آباد۔ 10 نومبر (اے پی پی) سینیٹ ٹی قائد ایوان سینیٹر اسحاق ڈار پارینے کہ دہشت گردی بے کچ سنجیدہ ءُ ویل و مچ آ قوم اان جون و مال انا رکھ انا باندات ءِ، نگراں حکومت دہشت گردی نا واقعہ و امن وایمنی نا حالیت آتیا ان کیمرہ بایدے حوال اس ایتے۔ جمعہ نادے آ سینیٹ اٹی گپ وتران کرسا قائد ایوان سینیٹر اسحاق ڈار پارے کہ 2013 ء اسکان دا حالیت ئس کہ دنیاپاریکہ کہ پاکستان دہشت گرد آتا برخلاف وخت اس ایکشن ہلنگ کیک ولے ولدا ضرب عضب نا کمک اٹ دہشت گردی ءِ ماس کش کرسا خسنگ نا فیصلہ ءِ کننگا۔ اوپارے کہ ملک اکن جون تے ندر کروک آ نرزور سیکورٹی کارندہ غاتے خراج عقیدت پیش کینہ، ننے داسہ پین وخت ءِ زیان کننگ آن بیدس بحیثیت قوم دمدستی گام اس ہلوئی تمک۔ اوپارے کہ وخت اس کراچی ٹی داوخت ئس کہ نن اناپیش تمنگ مشک مسکہ ولے مسلم لیگ (ن) ولدا اسہ فیصلہ کن ءُ گام اس ہرفے۔ اوپارےکہ 2013ء ٹی نن پاریسن کہ نن امن قائم کینہ، ملک آن تہاری تے چٹفنہ، و زرگزران ءِ گچین کینہ اوکان پد ولدا غٹ خنار کہ یک و نیم سال انا تہہ ٹی کراچی ٹی نن نا روشنائیک پدی بسر و امن قائم کننگا۔ اوپارے کہ ضرب عضب نا دروشم اٹ  اسہ مشکل ءُ فیصلہ اس کننگاسس ہراڑکن 100 ارب روپئی سالانہ نا مالی وسیلہ غاتا گرج ئس ہرافتا بست وبند ءِ کننگا، داٹی اللہ تعالیٰ نا فضل وکرم اٹ امن مس، ضرب عضب آن پد ردالفساد نا آپریشن نا بناءِ کننگا ہراڑآن حالیت آتیٹی پین گچینی بس ولے 2018ء آن پد پالیسی ٹی اسہ بدلی اس اتنگا، کابل اٹ مذاکرات کننگا وولدا سد آ دہشت گرد آتے زندان تیان یلہ کننگا۔ اوپارے کہ دہشت گردی اسہ بھاز سنجیدہ ءُ ویل اسے د مچ آ قوم انا جان ومال انا رکھ انا باندات ءِ نگران حکومت امن و ایمنی نا حالیت آتیا بایدے ان کیمرہ حوال اس ایتے۔