اسلام آباد۔8نومبر  (اے پی پی): سینیٹءِ چیئرمین محمد صادق سنجرانی ءَ گشتگ کہ علامہ اقبالؒ ءَ وتی زانت کاری ء ُ راہشونی ءَ چہ برصغیر ءِ مسلمان آناں  سکین داتگ ء ُ آجوہی ءِ ھاترءَ جدوجہد کنگءَ ساڑی کتگ، علامہ اقبالؒ  ءِ شاہین ءِ لیکہ ء ُُ وت زانتی ءِ شاہ زانتی ءِ سرءَ  عمل کنگءَ   ما پاکستان ءَ را    آئی ءِ راستیں ارزشتء ُ بستارءَ دات کناں۔ مفکر اسلام ء ُ رودرآتک ءِ شاعر ڈاکٹر علامہ محمد اقبالؒ ءِ 146 می  ودی روچ ءِ موہ ءَ  دادء ُ سلام پیش کتگء ُ وتی کلوہ ءِ تہا سینیٹءِ  چیئرمین محمد صادق سنجرانی ءَ گشتگ کہ ڈاکٹر علامہ محمد اقبال ؒ   یک مزنیں  راہشونے بوتگ، ڈاکٹر علامہ محمد اقبال ؒ   ءَ یک  انچیں وہدے ءَ مارا راستیں کِشکے  پیش داشتگ کہ    برصغیر پاک ء ُ ہند ءِ مسلمان غلامی ءِ روک چاتاں منزل ءِ کِشک  گارکتگ بوتگ۔ سینیٹءِ چیئرمین ءَ گشتگ کہ آئی ءَ وتی شاعری ءَ چہ   مردماناں انچیں جوشء ُ جزبگ داتگ کہ آیاں برصغیر ءِ  مسلمان آناں  دلپروشی ءَ را  پروش داتگء ُ و تی منزل  در گیپتگ،  علامہ محمد اقبال ؒ  ءَ خطبہ الٰہ آباد ءَ  پاکستان ءِ لیکہ پیش  کتگء ُ برصغیر ءِ مسلمان آنی تہا  آجوہی ءِ نوکیں ارواحے مان کتگ ۔ علامہ محمد اقبال ؒ  ءَ  وتی زانت کاری ء ُ راہشونی ءَ چہبرصغیر ءِ  مسلمان آناں آجوہی ءِ ھاترءَ جدوجہد کنگءِ ھاترءَ ساڑی کتگ۔

متعلقہ مضامینمصنف کی طرف سے مزید