اسلام آباد۔8نومبر (اے پی پی):پاکستان ءَ یک رندے پدا یوکرین ءِ جیڑ ہ ءَ را سول ء ُ تران ءَ چہ گیش ء ُ گیوار کنگءِ سرءَ زور داتگ ء ُ اے گپ پدر کتگ کہ آئی ءَ یوکرین ءَ را سلاہ نا داتگ ء ُ نہ دیئگءِ ارادگ داریت۔ دری کارانی کارگسءِ جارچین ممتاز زہرہ بلوچ ءَ چارشمبےءِ روچءَ میڈیا ءِ جستانی پسو ءَ یوکرین ءِ جیڑہءَ را سولء ُ تران ءَ چہ گیشء ُ گیوار کنگءِ سرءَ زور پِر داتگء ُ گشتگ کہ پالیسی ءِ لحاظ ءَ چہ پاکستان اے وڑیں جیڑہ ءِ آماچیں خطہ ءَ را سلاہ نادنت۔ جارچین ءَ گشتگ کہ نہ آیاں یوکرین ءَ را سلاہ داتگء ُ نا اے وڑیں ارادگ داراں۔ آئیءَ گشتگ کہ ہمے ھاترءَ پاکستان ء ُ یوکرین ءِ دیمپانی پڑءِ وزیرآنی نیام ءَ اے سرحال ءِ سرءَ 7 نومبر ءَ ٹیلی فون ءِ سرءَ گپءُ تران ءِ تہا ایچ وڑیں گپ ءُ تران نابوتگ۔
