کوئٹہ۔ 08 نومبر (اے پی پی): بلوچستان ءِ ادارکی سروزیر میرعلی مردان خان ڈومکی ءَ رودرآتک ءِ شاعر علامہ محمد اقبال ءِ ودی روچءِ موہ ءَ کلوہ ءِ تہا گشتگ کہ علامہ محمد اقبال ءَ دائم ءَ وتی کلام ءِ تہا مسلما آناں بہادری ء ُ مزن دلی ءِ درس داتگ ء ُ آئی ءِ شاعری ءِتہا مُچی ء ُ یکجاہی ءِ گپ گیش گندگءَ کیئت۔ آئی ءَ دائم ءَ مسلمان آناں آیانی راھبندانی سرءَ عمل کنگء ُ آیانی رندگیری کنگءِ درس داتگ۔ ادارکی سروزیرءَ گشتگ کہ علامہ محمد اقبال ءَ دوستاں چہ پیش دو راجی لیکہ پیش کتگء ُ وتی ء ُ شاعری ءَ چہ ایشیءِ اثرءَ ر ا گیش کتگ کہ مسلمان یک جتاہیں ارزشتے داراں، آیانی زندمان ، مذہبی عبابت برصغیر ءِ ایندگہ راجاں چہ جتاہ اَنت۔ آئیءَ گشتگ کہ برصغیر ءِ مسلماناں علامہ محمد اقبال ءِ دیستگیں واب ءِ رندگیری کتگء ُ یک جتاہیں ملکے حاصل کتگ۔ ادارکی سروزیر ءَ گشتگ کہ مرچیگیں ورناہ آناں ہم علامہ اقبال ءِ وت زانتی ءِ شاہ زانتی ءَ را سرپدی زورگ لوٹ ایت ۔ اے موہءَ آئی ءَ گشتگ کہ پاکستان ءِ دیمروئی ء ُ وشھالی ءِ ھاترءَ دعا کناں کہ پاکستان ء ُ بلوچستان ءِ اُلس فوج ء ُ وتی سکیورٹی ءِ ادارگاں گوں ہم کوپگ اَنت کہ آیاں پاکستان ءَ دائمی امن ء ُ ایمنی ءَ را محکم کنگءِ ھاترءَ وتی جان ندر کتگ اَنت۔
