اسلام آباد۔8نومبر (اے پی پی): ملک مستر ڈاکٹرعارف علوی ءَ گشتگ کہ وہدے راج علم ، انصاف ء ُ زور ءِ بنیاتاں چِست بنت گڈا الم ءَ سوبین بنت، دائم ءَ علم ءِ لوٹوک راستیں منزل ءَ سربنت، ملکی دیمروئی ءِ تہا بنیاتی کرد پیلو کنگءِ ھاترءَ زالبولاناں راجی رِپک ءِ تہا آرگ المی اِنت۔ آ سئے شمبے ءِ روچءَ میاں اوستمانی اسلامی یونیورسٹی ءِ 12 می کانووکیشن ءَ گوں تران کنگءَ بوتگ۔ پاکستان ء۔ سعودی عرب ءِ سفیر نواف سعیدالمالکی، گتر ءِ سفیر شیخ سعود العبدالرحمن الثانی ، صدر بین الاقوامی اسلامی یونیورسٹی پروفیسر ڈاکٹر ھذال حمود العقیبی ، پرووائس چانسلر ڈاکٹر محمد بن سالم ، ریکٹر پروفیسر ڈاکٹر ثمینہ ملک ءَ ہوار بازیں ملک آنی سفارت کار وانگء ُ زانگ ءِ زانت کار ہوار بوتگ اَنت۔ ملک مستر ڈاکٹر عارف علوی ءَ گشتگ کہ منی ھاترءَ وشی ءِ موہ اِنت کہ مرچیگیں روچءَ نودربرآنی سوبمندی ءِ روچءِ موہ ءَ آیانی گوما گپ کنگ ءَ آں، اے ہم وشی ءِ گپ اِنت کہ وانگء ُ زانگءِ پڑءَ نامداریں 114 محنتی راہ دربر، 50 پڑآنی تہا 94 ڈگری پروگراماں 34 ہزار نودربرآناں تعلیم دیئگءَ اَنت۔
