تاشقند۔8نومبر (اے پی پی): ادارکی مزن وزیر انوار الحق کاکڑ ءُ زبکستان ءِ صدر شوکت مرزیوئیف ءَ ازبکستان- اوگانستان۔ پاکستان ریلوے منصوبگ آناں زوت سرجم کنگ ءِ جزم ءِ درشان کتگ۔ چا ر شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اقتصادی کمکی گل 16 شانزدھمی سروکیں دیوان ءِ موہ ءَ ادارکی مزن وزیر انوارالحق کاکڑ ءَ جمہوریہ ازبکستان ءِ صدر شوکت مرزیوئیف ءَ گوں گند ءُ نند کت۔ گند ءُ نند ءَ ادارکی مزن وزیر ءَ سروک دیوان ءِ کامیاتی ءَ گوں برجا دارگ ءِ پد ءَ ازبک صدر ءَ را مبارک بات دات۔ اے موہ ءَ دوئیں سروک آں سیاسی، تجارتی، اقتصادی ، سلامتی ، دیمپانی یکوئی آں ھوار جتا جتائیں شوبگ آنی تہ ءَ دو نیمگی کمک آناں گیش مھکم جوڑ کنگ ءِ ھوالگ ءَ ھیال ریچی کت۔ دو نیمگی کمک آنی گیش بوھوکیں تک ءَ دل یکیمی ءِ درشان ءَ کنان ءَ مزن وزیر ءَ ایشی ءِ گام آناں برجائی دارگ ءِ ھوالگ ءَ زور پر دات۔ آئی ءَ گوشت کہ تجارتی منوگری ءُ ٹرانزٹ ٹریڈ ایگریمنٹ یو پی ٹی ٹی اے ءِ برجا بوھگ ءِ پد ءَ اقتصادی کمک گل تجارتی منوگری ایکوٹا ءِ جوان ءُ برجا دارگ ءَ ابید دو نیمگی تجارت ءُ ٹرانزٹ ٹریڈ ءَ را دیمروئی رسیت۔ دوئیں سروک آں دمگی اقتصادی ھوار کنگ ءَ را دیمروئی دیگ ءِ واستہ شریکداری ءِ منوگری آناں زوتاں چہ زوت پکوئیں رنگ دیگ ءِ جزم ءِ درشان کت ءُ دمگی رابطہ آنی واستہ برجائیں کرد پیلو کنگ ءِ واستہ وتی جزم ءِ درشان کت۔ آئی ءَ ازبکستان – اوگانستا- پاکستان ریلوے منصوبگ آناں زوت سرجم کنگ ءِ جزم ءِ ھم درشان کت۔ ادارکی مزن وزیر انوارالحق کاکڑ ءُ صدر مرزیوئیف ءَ غزہ ءَ جاڑیگیں بنی آدمی ڈکال ءُ ایندگر دمگی ءُ میاں اوستمانی دیمروئی گامگیج آنی بابت ءَ ھیال ریچی کت۔
