اسلام آباد۔ 08 نومبر (اے پی پی) نگران بنجائی وزیر حوالکاری وشینکاری مرتضیٰ سولنگی و پاکستان اٹ سعودی عرب نا سفیر نواف سعید المالکی پاکستان و سعودی عرب نا نیام اٹ میڈیا و مواصلات نا بشخ اٹی طے مروک معاہدہ غاتیا عملدرآمد نا رفتار ءِ ترند کننگ آ امنا کریر۔ پاکستان و سعودی عرب نا نیام اٹ میڈیا، راگ، اتون اوار ایلوتعلقدار بشخ آتیٹی کمکاری ءِ پین ودفنگ آہم امنا کرینو۔ داڑے جاری بیان اسے نا رداٹ پاکستان اٹ سعودی عرب نا سفیر نگران وزیر حوالکاری تون اوڑدہی کرے۔ اوڑدہی ٹی وزیراعظم نا بین المذاہب ہم ہنگی کن نمائندہ خصوصی علامہ طاہر محمود اشرفی ہم ساڑی ئسک۔ اوڑدہی ٹی تین پہ تینی است خواہی نا ہڑتوم آ کنڈآتا امور آ گپ وتران کننگا۔ اوڑدہی ٹی پاکستان وسعودی عرب نا نیام اٹ ابلاغیات نا بشخ اٹی تین پہ تینی کمکاری نا بابت گپ وتران مس۔ اوڑدہی ٹی پاکستان و سعودی عرب نا نیام اٹ میڈیا و مواصلات نا بشخ اٹی طے مروک معاہدہ غاتیا عملدرآمدنا رفتار ءِ ترند کننگ آ امنا کریر۔ پاکستان و سعودی عرب نا نیام اٹ میڈیا، راگ، اتون اوار ایلو تعلقدار بشخ آتیٹی کمکاری ءِ پین ودفنگ آ ہم امنا کننگا۔ نگران بنجائی وزیر حوالکاری سعودی عرب کن نیک است خواہی نا درشانیءِ ہم کرے۔ اوڑدہی ٹی اسلامی کمکار تنظیم نا 12 نومبر آ مروک آ دیوان نا بابت ہم گپ وتران مس۔
