اسلام آباد۔ 08 نومبر (اے پی پی) ستمبر 2023اٹی پاکستان نا چین ءِ برآمدات 100.5 درسد ودکی اتون 350.2 ملین ڈالر اسکان سرمسر ہرا تدوک آ مالی سال انا ہندا تُو اٹی 174.7 ملین ڈالر ئسر۔ ٹریڈ ڈویلپمنٹ اتھارٹی آف پاکستان (ٹی ڈی اے پی ) نا حساب وکتاب نا رداٹ مالی سال 2023-24اٹی پاکستان نا چین ءِ برآمد آتیٹی چارمیکو تُو پدریسہ ودکی مون آ بسنے ہراتدوک آ مالی سال انا ہندا تُو انا حساب وکتاب آن زیات ءُ۔ یات سلے کہ اکتوبر اٹی پاکستان نا چین ءِ برآمد آتا کچ 321.3 ملین ڈالر ئس ہرا اکتوبر 2022ء ٹی ریکارڈ کروک 203.3 ملین ڈالر نا مقابلہ ٹی 58 درسد زیات ءُ۔ ہندا وڑاگست 2023ء ٹی پاکستان نا چین ءِ برآمدات 211 ملین ڈالر ریکارڈ کننگا ہرا تدوک آ مالی سال انا ہندا وخت انا 116.2 ملین ڈالر نا مقابلہ ٹی 81.6 درسد ودکی اتون اومیت افزا رجحان ظاہر کیک۔ مالی سال 2023-24نا اولیکو تُوجولائی ٹی پاکستان نا چین ءِ برآمد آتیٹی 35.1 درسد نا ودکی مس ہرا جولائی 2022نا مقابلہ ٹی نمان ودکی ءِ ہراڑے برآمد آتا کچ 124.7 ملین ڈالر ئس۔
