اسلام آباد۔ 08 نومبر (اے پی پی) وفاقی اردو یونیورسٹی اسلام آباد اٹی وزیراعظم یوتھ لیپ ٹاپ اسکیم فیز تھری نا رداٹ لیپ ٹاپ بشخنگ کن اسہ دود اس اڈتننگا ہراٹی ہائیر ایجوکیشن کمیشن نا کنڈآن پندار ریجنل کوآرڈی نیٹر لیپ ٹاپ اسکیم جناب منظور علی بس۔ اووزیراعظم یوتھ لیپ ٹاپ اسکیم فیز تھری اٹی کٹوک آ طالب علم آتیٹی لیپ ٹاپ بشخا۔ دود ءِ انچارج کیمپس ڈاکٹر احتشام الحق نا کنڈان مرکزی ہال اٹی اڈتننگاسس۔ وزیراعظم یوتھ لیپ ٹاپ اسکیم فیز تھری نا پروگرام ناسرسہبی ٹی یونیورسٹی نا شعبہ جات نا فوکل پرسنز ڈاکٹر سعدیہ صفدر، ڈاکٹرمہوش عزیز، ڈاکٹر سعید اللہ ، ڈاکٹر اورنگزیب، ڈاکٹر ندیم ناصر، ڈاکٹر عون ساجد، جناب ملک اشتیاق، گودی ڈاکٹر قراۃ العین اقبال نا کوشست آتے خراج تحسین پیش کننگا۔ داکان بیدس ڈاکٹر عظمیٰ سراج، ڈاکٹر شیر جونی ، ڈاکٹر حبیب الرحمان ، انجینئر جمال اکرم اسلام آباد کیمپس اٹی وزیراعظم یوتھ لیپ ٹاپ اسکیم فیزتھری نا لیپ ٹاپ بشخنگ نا دود انا سرسہب اڈتننگ کن اوفتا کوشست آتا ستاءِ کننگا بلاشبہ لیپ ٹاپ بشخنگ نا داددود ءِ سرسہب کننگ اٹ اہم کڑد اداکرے۔ داوخت آ مرکزی ہال اٹی اڈہلوک دود اتون وفاقی اردو یونیورسٹی اسلام آباد اٹی لیپ ٹاپ بشخنگ ءِ سرسہب کننگ اٹ غٹ فوکل پرسنز و یونیورسٹی انتظامیہ نا پدریسہ کمکاری اوار ئس۔ داپروقار دود انا سرسہبی آ انچارج کیمپس ڈاکٹر احتشام الحق سپرفوکل پرسن ڈاکٹر یوسف حمید نا سخت کوشست آتے شاندار لوز آتیٹی خراج تحسین پیش کرے۔
