کوئٹہ۔ 08 نومبر (اے پی پی) نگران صوبائی وزیرحوالکاری بلوچستان جان اچکزئی پارینے کہ چمن بارڈرآن داتم اسکان 66 ہزار غیرکانودی وڑاٹ رہینگوک درملکی تے پدی گدریفنگانے۔ سندھ آن اتوک آ 26 ہزار غیرکانودی درملکی تے ہم چمن نا کسر پدی گدریفینن ۔ داخیال آتا درشانی ءِ او میڈیا نا نمائندہ غاتون گپ وتران کرسا کرے۔ نگران صوبائی وزیر حوالکاری جان اچکزئی پارے کہ بلوچستان آن غیرکانودی درملکی تا کشنگ نا عمل نا اسہ ہفتہ اس پورو مسنے غیرکانودی پردیسی تے پرامن و جوان وڑاٹ پدی گدریفنگ نا عمل برجاءِ۔ اسہ سوج اسے نا ورندی ٹی نگران وزیرحوالکاری پارے کہ 200 غیرکانودی درملکی تے بلوچستان اٹ دزگیرکننگانے۔ غیرکانودی وڑاٹ رہینگوک بندغ آتے جہانی کانود نا رداٹ پدی گدریفنگ انگ ءِ ، اوپارے کہ گڑاس شرپسند زموار داعمل ءِ تینا مسخت کن کاریم اٹ اتنگ نا کوشست کننگ ءُ۔
