اسلام آباد۔ 08 نومبر (اے پی پی) ازبکستان نا صدر شوکت مرزیوف وزیرواپار و صنعت ڈاکٹر گوہر اعجاز ءِ چٹھی اس راہی کرینے۔ وزارت واپار نا کنڈآن جاری پریس ریلیز نا رداٹ ازبکستان نا صدر شوکت مرزیوف ہڑتوم آکنڈآتا واپار ءِ ودفنگ کن ڈاکٹر گوہر اعجاز نا ستاءِ کرے۔ چٹھی ٹی ازبک صدر ہڑتوم آ کنڈآتا واپاری تعلقداری نا سوگوی کن گوہر اعجاز نا کوشست آتا ستاءِ کرے۔ اوپارے کہ ڈاکٹر گوہر اعجاز بڑزکو کہولی ہڑتوم آ کنڈآتا معاہدہ غا عملدرآمد کن عملی گام گیج کرینے و تین پہ تینی کمکاری ءِ ودفنگ کن اونا کوشست آک قدر نا قابل ءُ، یات سلے کہ وزیر واپار و صنعت ڈاکٹر گوہر اعجاز اِرادے ئی دورہ غا ازبکستان آ روانہ مننگ ءِ، او تینا دورہ ٹی پاکستان و ازبکستان نا نیام اٹ تین پہ تینی واپار ءِ ودفنگ آ گپ وتران کیک و ہڑتوم آ ملک آتا نیام اٹ واپاری تعلقداری تے سوگو و مستحکم کننگ کن پین گام گیج آتا بابت گپ وتران کننگک۔
