اسلام آباد۔7نومبر (اے پی پی): ادارکی مزن وزیر انوارالحق کاکڑ ءَ گوشتگ کہ حکومت الیکشن کمیشن ءَ را ملک ءَ آزاتیں ، ساپ ءُ سلہ ایں گچین کاری آنی برجائی ءِ واستہ ھمک رنگ ءَ کمک پجاری کنگ ءُ اے رد ءَ توامیں المی ایں آسراتی آنی پجاری دل یکیمی جوڑ کنت۔ اے ھیالانی درشانی آئی ءَ چیف الیکشن کمشنر سکندر سلطان راجہ ءَ گوں تران کنان ءَ کت آئیءَ سئے شمبے ءَ ادا مزن وزیر کارگس ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چیف الیکشن کمشنر ءَ مزن وزیر ءَ را لس گچین کاری ءِ برجائی ءِ ھوالگ ءَ کمیشن ءِ تیاری آنی ھوالگ ءَ بریفنگ دات۔ چیف الیکشن کمشنر ءَ مزن وزیر ءَ را لس گچین کاری آنی تیاری آنی سر ءَ چار ءُ تپاسی ءِ واستہ الیکشن کمیشن ءِ تر ءُ تاب کنگ ءِ دعوت ھم دات۔ مزن وزیر ءَ گوشت کہ حکومت الیکشن کمیشن ءَ را ملک ءَ آزاتیں، ساپ ءُ سلہ ایں گچین کاری آنی برجائی ءِ واستہ ھمک رنگیں کمک پجاری کنت ءُ توامیں المی ایں آسراتی ل آناں پجاری کنگ ءَ دل یکیمی جوڑ کنت۔
