اسلام آباد۔7نومبر (اے پی پی): وزیر ءِ درئی کار جلیل عباس جیلانی ءُ وزیر برائے بنی آدمی ھک خلیل جارج ءَ غزہ ءِ الس آنی واستہ پاکستان ءَ چہ کمکی سامان آنی دومی بھر ءَ را برگ ءِ ھاسیں بالیگ جہاز ءَ را سئے شمبے ءَ اسلام آباد انٹرنیشنل ائیر پورٹ ءَ روادگ کتگ۔ درئی کارانی کارگس ءِ رد ءَ سامان آنی روانگی ءِ موہءَ بوھوکیں مراگس اسلام آباد ءَ فلسطینی سفیر احمد جواد ربیع، وزارت ءِ درئی کار ءُ این ڈی ایم اے ءِ سینئر کارندہ ھم ساڑی اتنت۔ وزیر ءِ درئی کار جلیل عباس جیلانی ءَ اے موہ ءَ گشتانک دیان ءَ گوشت کہ فسلطینی برات ءُ گہار آنی گوما پاکستا ن ءِ گوما سرجمیں دل یکیمی ءِ درشان کت ءُ اسرائیل ءِ نیمگ ءَ غزہ ءَ استیں زالبول ءُ زھگ آں ھوار شہری آنی ھلاپ ءَ طاقت ءُ زوراکی ءِ گوما کور ءُ کائی تیر گواری ءَ ر ا مذمت کتگ۔
